73வது சுதந்திர தின விழா 15/08/2019 அன்று காலை 9 மணியளவில் நடைபெற்றது. சிறப்பு விருந்தினராக மலேசியா, தொழிலதிபர், அல்ஹாஜ் S.S. ஹபீப் அவர்கள் கலந்துகொண்டு தேசிய கொடியை ஏற்றி வைத்து, தேசிய மாணவர் படை மாணவ-மாணவிகள் அளித்த அணிவகுப்பு மரியாதையை ஏற்றுக்கொண்டார்.

பின்னர் நடைபெற்ற விழாவில் கல்லூரி முதல்வர் முனைவர் A. அப்பாஸ் மந்திரி அவர்கள் வரவேற்று பேசினார். கல்லூரி ஆட்சிக்குழு தலைவர் அல்ஹாஜ் A.A. முஹம்மது ஸுபைர் அவர்கள் தலைமையேற்றார். கல்லூரி ஆட்சிக்குழு செயலர் ஹாஜி V.M. ஜபருல்லாஹ் கான் வாழ்த்துரை வழங்கினார்.

நிகழ்வில் நம் கல்லூரி கணிப்பொறி அறிவியல் ஆய்வகத்திற்கு 200 கணிப்பொறியை இலவசமாக வழங்கிய Ford motor பிரைவேட் லிமிடெட், மேலாளர் ஜனாப் S.A. அப்துல் வஹாப் அவர்களை கல்லூரி ஆட்சிக்குழு தலைவர் அல்ஹாஜ் A.A. முஹம்மது ஸுபைர் அவர்கள் மரியாதை செய்தார். பள்ளி மாணவ-மாணவிகளுக்கு நாட்டு நலப்பணித் திட்டம் சார்பாக விளையாட்டு போட்டிகள் நடத்தப்பட்டு வெற்றி பெற்ற மாணவ-மாணவிகளுக்கு சிறப்பு விருந்தினர் பரிசுகளை வழங்கி பாராட்டினார்.

வணிகவியல் துறை உதவிப் பேராசிரியர் முனைவர் M. பௌசியா சுல்தானா அவர்கள் சுதந்திர தின சிறப்பு உரை நிகழ்த்தினார். கல்லூரி ஆட்சிக்குழு பொருளாளர் ஜனாப் S.A.M. அப்துல் அஹத், ஆட்சிக்குழு உறுப்பினர்கள் அல்ஹாஜ் A.S. நஷீர் கான், ஜனாப் J. அபூபக்கர் சித்திக், ஜனாப் K.S.H. சிராஜுதீன், ஜனாப் S.K.M. அப்துல் சலீம் மற்றும் சாலையூர் ஜனாப் ஷாஹுல் ஹமீது மற்றும் ஜனாப் K.A. காதர் ஹுசைன் ஆகியோர் உட்பட ஆசிரியர்கள், அலுவலர்கள் மாணவ-மாணவிகள் பங்கேற்றனர்.

கல்லூரி துணைமுதல்வர் முனைவர் A. ஜஹாங்கிர் நன்றி கூறினார். நிகழ்வினை தமிழ்த் துறை தலைவர் முனைவர் P. இப்ராஹிம் தொகுத்து வழங்கினார்.