நாட்டு நலப்பணித் திட்டம் ஆறாம் (11/02/2020) நாள் சிறப்பு முகாம் “இலவச கண் பரிசோதனை, புற்றுநோய் மற்றும் இரத்தசோகை விழிப்புணர்வு முகாம்” என்னும் தலைப்பில் நடைபெற்றது. நாட்டு நலப்பணித் திட்ட அலுவலர் முனைவர் T.C. முஹம்மது முனீப் வரவேற்றார். காலை நடைபெற்ற கண் பரிசோதனை முகாமில் பரமக்குடி, வாசன் ஐ கேர், மேலாளர், திரு. P. முத்துக்குமார் அவர்கள் தலைமையில் நடைபெற்றது. பள்ளி மாணவர்கள் மற்றும் பொதுமக்கள் இலவசமாக கண் பரிசோதனை செய்து கொண்டனர். சாலைகிராமம், வட்டார மருத்துவ அதிகாரி, மருத்துவர் G.R. கண்ணன், கல்லூரி துணை முதல்வர் முனைவர் A. ஜஹாங்கிர் ஆகியோர் புற்றுநோய் பாதிப்பு, தடுப்பு முறைகள் குறித்து சிறப்புரையாற்றினர். மாணவர்கள் தூய்மை பணிகளை மேற்கொண்டனர். உடற்கல்வி இயக்குனர் முனைவர் S. காளிதாசன் மாணவ-மாணவிகளுக்கு சிறப்பு போட்டிகளை நடத்தினார். நாட்டு நலப்பணித்திட்ட அலுவலர்கள் முனைவர் M. பீர் முஹம்மது மற்றும் செல்வி R. செய்யது அலி பாத்திமா உட்பட நாட்டு நலப்பணித் திட்ட மாணவ-மாணவிகள் 157 பேர் கலந்துகொண்டனர்.